కేంద్ర ప్రభుత్వంలోని పలు నాన్-గెజిటెడ్, నాన్-టెక్నికల్ పోస్టుల భర్తీకి స్టాఫ్ సెలక్షన్ కమిషన్ ఏటా సీజీఎల్ పరీక్షలను నిర్వహిస్తూ వస్తోంది. మూడు దశల్లో సీజీఎల్ పరీక్షలు నిర్వహిస్తారు.
Highlights
- జూన్ 4 నుంచి 19 వరకు ‘టైర్-1’ పరీక్షలు
- సెప్టెంబరు 11 -13 వరకు ‘టైర్-2’ పరీక్షలు
- డిసెంబరులో ‘టైర్-3’ పరీక్ష
కంబైన్డ్ గ్రాడ్యుయేట్ లెవల్ (సీజీఎల్) – 2018 టైర్-1, టైర్-2, టైర్-3 పరీక్షలకు సంబంధించిన షెడ్యూలును స్టాఫ్ సెలక్షన్ కమిషన్ విడుదల చేసింది. ఈ మేరకు స్టాఫ్ సెలక్షన్ కమిషన్ విడుదల చేసిన వార్షిక క్యాలెండర్‌లో సీజీఎల్ పరీక్ష తేదీలను వెల్లడించింది. షెడ్యూలు ప్రకారం.. ఈ ఏడాది జూన్ 4 నుంచి 19 వరకు సీజీఎల్ ‘టైర్-1’ పరీక్షలు నిర్వహించనున్నారు. సీజీఎల్ టైర్-2 పరీక్షలను సెప్టెంబరు 11 -13 వరకు నిర్వహించనున్నారు. ఇక టైర్-3 పరీక్ష విషయానికొస్తే.. ఏడాది చివరిలో డిసెంబరు 29న నిర్వహిస్తారు.
ఎస్‌ఎస్‌సీ కంబైన్డ్ గ్రాడ్యుయేట్ లెవల్ పరీక్షల ద్వారా కేంద్ర ప్రభుత్వంలోని పలు నాన్-గెజిటెడ్, నాన్-టెక్నికల్ పోస్టులకు అభ్యర్థులను ఎంపికచేస్తారు. సీజీఎల్-2019 కు సంబంధించి అక్టోబరు 31, 2019న నోటిఫికేషన్ జారీచేయనున్నారు. అక్టోబరు 31 నుంచి నవంబరు 28 వరకు అభ్యర్థుల నుంచి దరఖాస్తులు స్వీకరిస్తారు. పరీక్షల తేదీలను వచ్చే ఏడాది విడుదలయ్యే పరీక్షల వార్షిక క్యాలెండర్‌లో వెల్లడిస్తారు.
అదేవిధంగా.. కంబైన్డ్ హయ్యర్‌ సెకండరీ ఎగ్జామ్ (10+2) (సీహెచ్‌ఎస్‌ఎల్)-2018 టైర్-1 పరీక్షలను జులై 1 నుంచి 26 వరకు, టైర్-2 పరీక్షను సెప్టెంబరు 29న నిర్వహించనున్నారు. డిసెంబరులో సీహెచ్‌ఎస్‌ఎల్-2019 నోటిఫికేషన్ విడుదల చేస్తారు.
