TS Gurukula Teachers Recruitment: గురుకులాల్లో కొలువుల జాతర.. త్వరలో 4322 పోస్టుల భర్తీ!

తెలంగాణలో కొత్తగా రాబోతున్న 119 గురుకులాలకు 4322 పోస్టులను మంజూరు చేస్తూ ఆర్థికశాఖ ఉత్తర్వులు జారీచేసింది.

Highlights

• 119 గురుకులాల్లో 4,322 బోధన, బోధనేతర పోస్టుల భర్తీకి ఆర్థికశాఖ ఆమోదం
• మొత్తం పోస్టుల్లో 3,717 రెగ్యులర్, 605 ఔట్‌సోర్సింగ్ పోస్టులు

తెలంగాణలో ప్రభుత్వ ఉద్యోగాల కోసం ఎదురుచూస్తున్న నిరుద్యోగులకు ప్రభుత్వం శుభవార్త తెలిపింది. రాష్ట్రంలో 2019-20 విద్యా సంవత్సరంలో కొత్తగా ప్రారంభించనున్న 119 మహాత్మా జ్యోతిబాపూలే బీసీ గురుకుల విద్యాలయాల్లో బోధన, బోధనేతర సిబ్బందిని భర్తీ చేసేందుకు 4,322 పోస్టులకు అనుమతి ఇచ్చింది. ఈ మేరకు ఆర్థికశాఖ నుంచి ఉత్తర్వులు కూడా జారీ అయ్యాయి. వీటిలో 3,717 రెగ్యులర్ పోస్టులు, 605 ఔట్‌సోర్సింగ్ పోస్టులు ఉన్నాయి. 

ఆర్థికశాఖ జారీచేసిన ఉత్తర్వుల ప్రకారం.. 2019-20 విద్యాసంవత్సరానికి పీజీటీ, పీడీ, జేఎల్‌ పోస్టులు మినహా మిగతా 2,537 పోస్టులు మంజూరయ్యాయి. వీటికి సర్వీసు నిబంధనలు పూర్తిచేసిన తర్వాత ఉద్యోగ ప్రకటనలు వెలువడే అవకాశముంది. ఇక 2020-21 విద్యా సంవత్సరానికి గురుకులాల్లో 833 పీజీటీ పోస్టులను, 2021-22 సంవత్సరానికి 119 ఫిజికల్‌ డైరెక్టర్‌ పోస్టులను కేటాయించింది. 2022-23 నాటికి పాఠశాలలు జూనియర్‌ కళాశాలలుగా అప్‌గ్రేడ్‌ అవుతాయి. అప్పుడు 833 జూనియర్‌ లెక్చరర్‌ పోస్టులు ఉంటాయి. 

✪ ఆర్థికశాఖ మంజూరు చేసిన పోస్టుల వివరాలు:

✦ గురుకుల పాఠశాల పోస్టులు: 3,689

✦ గురుకుల సొసైటీ కార్యాలయం పోస్టులు: 28 

✦ ఔట్ సోర్సింగ్ ఉద్యోగాలు: 695